昨日甄子丹為行李箱品牌Samsonite活動擔任嘉賓，大會送上寫有「宇宙最強」的行李箱給他，子丹十分識做地稱品牌行李箱才是宇宙最強。
子丹表示新年會一家出埠，問到會否生虎BB，他說：「我冇問題，一打都冇問題，我盡量努力。」去年收入甚豐的他，坦言今年利是會比去年大封，還笑言：「太太嗰封大到連利是封都放唔落，我成副身家、成年片酬畀晒佢。」
另外，子丹有份主演的電影《錦衣衛》將在農曆新年上映，但他坦言對票房的信心麻麻：「因為片種唔啱香港，而且宣傳唔理想。」子丹表示睇好《花田囍事2010》，還自爆黃百鳴原有意找他飾演古天樂一角，他說：「我冇時間所以推咗，依家都有啲後悔。」
