江若琳（Elanne）、HotCha及傅穎（Theresa）等昨日出席活動，曾與彭順合作的Elanne透露已越洋送上祝福與人情，問她是否早知彭導育有一女？Elanne直言：「有聽聞過，但冇求證，我哋見面好少講呢啲嘢，佢親口講我先會信。」
至於以新髮型示人的Theresa透露將出埠學跳舞轉型，並計劃再出書作暫別之作，她說：「轉咗（形象）之後畫公仔好似唔襯，我唔係玉女或者才女，冇將自己標籤。」另外，HotCha被問到於情人節有否相約男仔同度？Winkie笑說：「我哋都冇拍拖，只係成日講笑，話收埋幾個男朋友！」
