本文重點
葉翠翠、高海寧及呂慧儀昨日出席電影《72家租客》優先場，剛從內地登台回港的翠翠表示，從報章中得知陳法拉被指已婚：「要有證書、證據、證明先好講，唔好咁快下判決！（信唔信？）呢啲係佢嘅私事，不過如果係真都會祝佢幸福同開心。」說到諸葛梓岐跟法拉隔空罵戰，翠翠說：「我唔知呢件事有冇被扭曲，我同法拉熟啲，所以都支持佢！」翠翠又稱十分期待虎年，因為相士指她運程好又有桃花，不過成世是非纏身及遭朋友出賣。
至於平日以性感見稱的高海寧則收斂不少，還把大會貼紙黐在心口，她解釋不想胸部成為焦點，所以才出此下策。而呂慧儀早前被拍到去買貓，她笑指為免孤獨過情人節，故特別買貓相伴。
有此一着
呂慧儀昨日穿上卡其色絲質tube Dress連身裙，配以購自日本，價錢約五千元的黑色高踭鞋出席優先場，她表示裙子是由好友Alex所設計，最特別之處是胸前的釘珠部分，令到成條裙都變得好奪目，簡單得嚟又尊重場合。