鍾嘉欣、張嘉兒、陳自瑤昨日出席商場活動，期間鍾嘉欣透露新年希望可以將屋企傢俬及燈泡換過，她說：「自己識換燈泡。（有男士幫你會好啲？）都會嘅，好似停電咁更加需要有個男仔喺度，正如《72家租客》裏面，困𨋢時有王祖藍喺身邊，會更加有安全感。（現實中祖藍畀唔畀到安全感你？）佢好有才華，我哋可以傾心事架！高度、樣貌唔係問題，心地最緊要。（林峯呢？）冇人十全十美。（祖藍同林峯你揀邊個？）冇得揀，緣分天注定。（祖藍追你會否接受？）唔知呀！」
陳自瑤透露新年要開工，但仍會到男友王浩信家拜年，情人節會送啲有心思嘅禮物給男友，而男友是浪漫之人，曾親自下廚及點蠟燭、唱歌彈結他冧自己！張嘉兒則表示情人節會與家人度過，問她與其緋聞男友金剛冇約會？她說：「人哋有女友喇！」