本文重點
梁詠琪、李心潔、楊采妮、許茹芸四朵金花情同姊妹，心潔出嫁，梁詠琪當然要飛到馬來西亞做姊妹。梁詠琪在長途電話中笑說：「朝早行禮時好感動，尤其一對新人宣誓一刻，在場好多人都感動到眼濕濕。」據知接新娘時，因時間緊迫，姊妹團只要新郎玩了一個遊戲，吃了個甜酸苦辣四味蛋糕。她笑說：「係呀，志在玩吓啫，都想新郎哥快啲接新娘。（開門利是幾多錢？）新郎哥好大方，佢袋住成疊錢，有泰銖、港幣、令吉（馬幣）畀晒我哋，我哋冇數到有幾多錢。」
問到她送甚麼給一對新人？梁詠琪說：「係新人回禮嘅撥涼扇、喜餅，喺台灣特別訂製，多得許茹芸攞過去。」
楊采妮當度假
楊采妮就形容婚禮好浪漫，她笑說：「好開心，一對新人搵個咁靚嘅小島結婚，我哋唔單只參加，仲可以當度假。」她也急不及待上載了一張相片到其Blog上，分享美景，衷心祝福好友之餘，她指自己相信真實的情感不一定要完美，但必要發自內心。
婚禮上好友眾多，唯獨鄭伊健因在內地拍戲未有現身，正好避開與舊愛梁詠琪碰頭。