Edmond日前被爆於內地恩平的88酒吧登台時，被酒客襲擊受傷，本報發現YouTube及內地「土豆網」都分別上載當晚演出片段，片段中有幾名大漢於台上爭執，而Edmond未有受擾繼續唱歌，並說：「我唔鍾意畀人逼我做嘢！」後來大漢行動升級，工作人員見狀立即帶走Edmond。

毋須協助調查

片中驚見Edmond離台後的情況，鏡頭雖然不停搖晃，但都清楚見到有兩幫人互相投擲玻璃樽，聽到爆樽、推枱、人群尖叫等雜亂聲音，Edmond能夠及時離開，可算避過一劫。

本報致電Edmond求證，他解釋：「我講嗰句說話，係因為一直有人係咁扯我隻手，我想fing開所以咁講，唔係有人逼我做乜嘢！」他憶述當晚情況非常混亂，只清楚自己並無被掌摑或受傷，他說：「公安冇搵我協助調查，我都唔知有人爆樽。（黑仔？）唔只得我一個，安仔都試過畀人放蛇啦，真係放咗條蛇入去！」

左起：蘇永康、梁漢文、張衞健及許志安前晚從泰國返港，四子明顯曬黑了不少。

梁漢文被大批記者追問在恩平酒吧登台時發生的毆鬥事件。

座駕完整無缺

前晚Edmond跟蘇永康、許志安及張衞健一齊由泰國返港，四子明顯曬黑且笑容滿面，Edmond表面並沒有任何傷勢，他表示座駕亦無損傷，當晚連人帶車「完整無缺」返港，而太太Karen早已了解事件。問到將來登台會否擔心，Edmond說：「唔會，一路以來都係咁做，呢啲事十年唔見得有一次，如常工作！」問到其他兄弟有否為他驗傷，安仔笑言：「有，我睇過佢身體每一處，除咗有少少股癢𢱑痕之外，驗過冇乜傷痕。」

另外，張衞健日前接受《志雲飯局》訪問，大談事業高低起跌，他坦言太太張茜流產一事，自己被迫變得成熟，以照顧太太生理及心理的需要。

採訪：音樂組