本地著名時裝設計師Henry Lau（劉志華），於1996年創立自家品牌SPY Henry Lau，曾為梅艷芳和李克勤設計演唱會戰衣，亦曾為何韻詩設計舞台劇服飾。2000年，Henry亦致力進軍國際，曾在悉尼、杜拜、東京和莫斯科開騷。於去年年底，Henry更在深圳中信城連開兩舖，正式進軍中國巿場。
Lady GaGa 9分
「有現代版My Fair Lady嘅感覺，真髮織成闊邊帽襯埋Double Layer墊膊裙，See-Through得嚟唔淫蕩，既Classic又Avant Garde，唔襯但係又有一種Perfect Match嘅感覺。」
Rihanna 9分
「平時Rihanna比較Rock，今次着Lace Dress睇得出佢Carry到女性化Style，揀咗剪紙效果嘅Lace Pattern襯落帶Futuristic味道嘅銀色底裙，襯得好Modern。如果底裙可以開衩騷腳就更好，如果換咗銀耳環，可以喺視覺上平衡整體感覺。」
鍾舒漫 8分
「呢個感覺好Fresh，第一眼睇落去我仲以為係邊個，佢嘅配搭睇得出有花心思，尊重場合，黑色喱士裙有紫色襯底，加黑絲襪，成件事好好，同埋佢冇戴頸鏈，感覺唔會Over。」
容祖兒 7分
「上身好靚，微卷曲髮加化妝都好襯，佢Carry維多利亞色彩嘅設計，好好睇，唯獨下身嘅黑色Biker Boots略嫌Rock味太重，可能佢想做一個Contrast效果，但可以考慮啡色Boots，整體感覺會和諧啲。」
何超雲 7分
「黑色襯肉色係今年好興嘅配搭，少少Sexy，加番件Blazer，又畀到人Strong Woman嘅感覺。上身黑色，將焦點放喺喱士迷你裙度，好精明嘅配搭。」
王菀之 7分
「佢嘅形象唔係好啱着喱士，但係佢識將喱士輕輕放喺袖位，感覺唔會Too Much，呢個嘗試好醒目。不過條格仔裙嘅圓領太細，加上有縮褶同埋蝴蝶結，如果領口開大啲就會好睇啲。」
鄭融 6分
「件衫冇問題，但係Hot Pants一啲都唔Hot，呢個長度嘅如果換咗迷你裙效果應該會好好多，同埋，佢應該加一對喱士Leggings，或者有少少透視效果嘅款式，感覺會更加Trendy。」
文：名人組