彭順與心潔難忍「七年之癢」，決定後天假馬來西亞小島舉行婚禮，一對新人早已飛抵當地。昨日新郎哥接受長途電話訪問，大談婚前感受，他說：「人哋話七年（男女關係）係最差，我覺得我哋係最好。會以最好心情去迎接呢一日。（婚後不設防？）都要等心潔做埋啲嘢先得，佢嚟緊有舞台劇工作。」

至於求婚過程，彭順笑指拍拖多年，已有默契，不用刻意經營，最終經不起記者追問始露端倪：「正式求婚會喺聽日（即今日），我靜雞雞拍咗條片，仲自己做埋男主角，諗住畀個驚喜佢，希望到時佢好感動啦。我拍人拍得多，都係第一次拍自己咋。」他又指婚戒設計獨特：「之前送過鑽石嘞，一對婚戒會搞搞新意思，用石砌成嘅，訂造要一個月，總之款式好特別，到時記得留意吓。（禮服呢？）心潔負責，我仲未見過。」

城城采妮到賀

愛心爆棚的心潔，三、四月將到印尼作慈善探訪，由於婚後未有時間度蜜月，彭順笑言一定會跟埋去。一對新人在圈中人緣不錯，不少圈中人包括郭富城、張艾嘉、楊采妮等將於明早拉隊赴馬國「贈興」，彭順說：「飛到馬來西亞，仲要花幾個鐘先到小島，舟車勞頓都有人肯嚟，佢哋真係好有心。」他並包下小島最靚酒店房「答謝」一班好友。

文：影視組