陳豪被指以咖啡攻勢冧掂阿佘，昨日他與林莉出席眼鏡活動時表現輕鬆，還主動談及新緋聞。

廖碧兒出席新春活動時，大獻舞藝娛賓。	陳豪以大家庭比喻「四角關係」。	廖碧兒與財神合照笑個不停。

「四角」似大家庭

對於廖碧兒有否醋意？阿Mo說：「算啦，係亂噏嘅一單嘢，（打風打唔甩？）我都係以前嘅阿Mo，私底下嘅嘢留番畀自己，（有冇安慰人？）邊個？安慰嘉穎？（同阿佘有冇可能？）依家係蝦嘉穎定蝦我先？（點形容你哋四角關係？）大家庭，都係兄弟姊妹。」

另一邊廂佘詩曼出席賽馬日活動被取笑桃花旺，她立即更正：「係緋聞勁，（同阿Mo真定假？）我人情都做定畀佢啦，（做畀佢同邊個？）咁我又唔知，總之我哋唔係事實。」似是隔空安撫廖碧兒，否認自己是第三者。

有指阿Mo咖啡攻勢厲害，阿佘輕描淡寫地說：「佢係萬歲，一杯咖啡就咁大件事？又唔係買間屋畀我，（同佢係乜嘢關係？）公司同事囉，（有冇發展機會？）呢啲要問番兩個當事人，我唔係當事人，係當災人。」

被指有醋意的碧兒，未知阿Mo已表明心意，出席賀年活動時表示情人節應要工作及與家人度過，問到會否約會阿Mo時只說：「我冇時間問『朋友』喎。」

文：影視組