文恩澄

「嗯……係咪小明個pat pat呀？真係唔知喎，我估呢啲問題好水皮o架（答案就係小華身體！）嘩！真係好無聊呀！不過，又好似幾啱喎……」

麥家瑜

「咿……呀！佢坐落佢度，係咪？（即係邊個坐邊個？）小明坐落小華度呀！」

雖然家瑜曾經一度想出貓問身邊人，不過最後都係自己估到，算你啦！

James@Square

「嘩，小明咪即係老闆（林小明）？改個名得唔得呀？（唔得呀？）咁……永遠坐唔到……梗係老闆個位啦，因為老闆真係冇人可以代替到嘅！」

唉！認真激死，不過佢個答案都幾好笑，仲可以畀佢攞嚟改咗個答案，同番佢同事玩添。

鍾舒漫

「坐月？唔啱呀？有冇貼士？（關於小華嘅？）關於小華？死喇，估唔到喎，係咩呀？（咪講咗個答案你知囉？）係咩？咩呀？（咪就係小華永遠坐唔到喺小華身上面囉！）唓……」

答案：小華自己嘅身體