【張嘉敏北京直擊】Angelababy跟陳偉霆的緋聞傳出多時，日前Baby大爆今年會行桃花運，更公開擇偶條件，表示另一半要夠成熟。問她陳偉霆是否成熟？她就表示不知道，擺明當對方冇到！
日前Baby以一身淡黃色連身裙出席公司派對，當她和一眾名模排排坐合照時，不慎露出肉色的「阿婆底褲」，認真失禮！
去年工作排山倒海的Baby豬籠入水，問到是否能達成買樓目標？她謂：「買就買到嘅，不過樓價仲係好高，要等吓先，我話買到係指畀到首期咋。（目標買幾多錢嘅樓？）希望係八位數字啦，人望高處，咁會令我更加努力工作。」
拍拖唔使成日見
問她是否想行埋桃花運，Baby就透露入行後每年都有買桃花的習慣：「桃花可以令人緣好啲，風水師話我今年好旺桃花，希望有多啲人鍾意我。（如果有人追呢？）啱嘅話都會考慮。」Baby又列出擇偶條件：「要就到我成日飛嚟飛去。（搵個忙過你嘅？）好提議，其實我覺得拍拖唔使成日見，有時傾吓電話已經好開心，所以要畀得起好貴嘅長途電話費。」
半年冇運動肥咗
Baby又言對方要夠成熟，因娛樂圈多是非，做她另一半要夠容忍。問她陳偉霆是否夠成熟？她就斷言說：「我哋係朋友，朋友成唔成熟我唔知道。」暗示對方不是她的另一半！Baby又表示最近胖了少許，因為忙得半年都冇做運動，但就說：「肥咗身材好咗。」