唐詩詠多是非冇人敢埋身

唐詩詠昨日出席粉嶺碧湖商場活動，她稱有留意舊愛崔建邦「蒲頭」的新聞：「有睇報道，但冇聯絡。（「中巴」鄺敏慧話要追究到底喎！）件事擾攘好耐，我都想快啲了結。（點睇中巴接受有線訪問？）我冇留意，亦唔關我事。我感冒咗成個禮拜，頭先揸車又刮花車身同爆胎，好在梁靖琪另外借車我揸。（唔叫緋聞男友黃嘉樂救駕？）唔啦，冇人敢接近我，怕傳緋聞。近期發生好多唔好事，希望嚟緊會好。（新年有乜節目？）同《鐵馬尋橋》演員食飯。（黃嘉樂有冇份？）咁佢喺劇入面做我三哥架！」