高海寧與李蘢怡昨日出席商場活動。身穿白色low cut裝的高海寧表示為過肥年，會努力出席活動搵真銀。問到是否因成為性感女神令工作量大增？她說：「各方面都有影響，我都有畀心機做嘢，努力keep fit都見到成果，但係性感就唔會刻意，都係健康性感。（話你頂替咗徐淑敏成為新『咪神』喎！）唔好咁講，傳媒朋友畀個名我啫。（你鍾唔鍾意呢個名？）其實我都好滿意自己身材，呢個名係對身材讚賞，都多謝大家。」問到情人節可有約會？她稱以工作為主，希望可以盡快買車買樓。