因藏毒正接受感化令的模周凱盈（Monique），昨日以更生人士身份出席抗毒活動，即場撕爛「毒」字紙張，並勇敢站出來說：「我承諾以後唔再掂毒品。」呼籲大家受引誘時要「停一停，諗一諗」。
上月初，Monique因藏毒被判十二個月感化令兼罰五百元堂費，之後她一直避見傳媒。昨日她終於破關露面，以更生人士身份出席「西貢區滅罪抗毒助更生嘉年華」，以自身經驗警惕青少年向毒品說不，但就不接受傳媒訪問。
家人鼓勵 重新振作
Monique在台上撕爛印有「毒」字的紙張，以示戒毒決心。司儀問她當日為何會行錯路？Monique說：「因為識咗一班唔好朋友，自己受到唆擺，佢哋話『試吓好好玩』，自己定力唔夠，所以試過一次，傷害嘅唔止係自己，家人都受到好大傷害，雖然唔係表面傷痕，但傷咗家人嘅心。」
雖然Monique行錯路，但得到家人鼓勵令她站起來。她說：「佢哋冇大聲鬧我，用平常心同我傾偈，叫我做番個正常人，努力啲，唔會怪我。（點推唔食？）如果有人唆擺叫試吓，就停一停，諗一諗。吸毒冇好處，打籃球仲好。」之後Monique作出呼籲：「我承諾以後唔再掂毒品，利用自己過去事件作為年輕人警惕。」
獲讚勇敢 說服力強
同場的農夫及鍾嘉欣大讚Monique勇敢站出來。農夫說：「幾好，佢嚟最有說服力。（吸毒藝人都要做？）未必人人承受到壓力，Monique好勇敢。」嘉欣亦說：「好開心佢出嚟做禁毒呼籲，佢親身經歷過，令大家感受更真。」
農夫師妹樂瞳表示有朋友幫吸毒朋友借錢做擔保，結果欠下一身債。問樂瞳有否受過引誘？她說：「睇我咁清醒，梗係冇！」不過農夫笑樂瞳因為冇錢，令她哭笑不得。
文：音樂組