阿Sa去年致力單飛發展，前晚於頒獎禮上獲得「十優歌手」獎項，但歌曲《二缺一》未有打入十大，她坦言有少少失望，她說：「唔緊要啦，我好滿意上次成績，今年再努力過，（今年Twins重組冇得再攞個人獎？）唔會，除咗Twins仲會有個人project！」

此外，阿Sa親口承認Twins將於四月「再合體」，於紅館舉行演唱會，令大批歌迷非常期待，阿Sa說：「呢個紅館演唱會原本係兩年前搞，我自己都覺得好期待，因為又迎接入行十周年，幾有意義，希望個演唱會熱熱鬧鬧，大家可以瘋狂去玩。」她又透露早前已經跟好拍檔鍾欣桐（阿嬌）錄好一首快歌，作為演唱會主題曲，稍後準備再錄慢歌及出新碟，工作排得密麻麻。

「新歡」係司機

另外，對於有指阿Sa搭上「高幹子弟」，阿Sa聽後笑到收唔到聲，並說：「張相入面個男人係我司機，我竟然同我司機傳緋聞，哈哈哈，真係笑死我，（緋聞男友鄭中基有冇追問？）唔想講呢樣嘢，大家問番我工作啦！（情人節點過？）最好所有佳節都有嘢做，咁大家就唔使再問喇！」

採訪：音樂組　攝影：黎志輝