上月中，有指超蓮與小男友計劃到日本旅行，但傳言被三太陳婉珍否認。不過，自網站上的旅遊照曝光，二人於一月十一日前後曾秘密遊日本之事可謂不打自招，惹來預支蜜月疑雲。本報就此致電三太陳婉珍，問她可知此事？其助手代答：「梗係知啦，唔係佢哋兩個去，係我哋好多人陪佢去。」
而超蓮的胞姐何超雲接受電話訪問時，被問到賭王何鴻燊有否見過Jeremy？她說：「我唔知佢（超蓮）有冇帶畀爹哋見。」超雲又自爆見過Jeremy，大讚對方斯文有禮，她續說：「我相信妹妹嘅眼光，佢咁大個人識得揀。（被妹妹爬頭結婚？）如果佢爬頭，咁恭喜佢啦。」
至於個人的感情生活，超雲表示隨遇而安，被問到是否眼角高？她說：「唔可以咁講，有時有人追未必係自己鍾意。」而記者又致電何超盈了解，至截稿前未有回覆。