自去年十二月報稱被男友崔建邦（Amigo）毆打後，一直表現高調的中巴，昨日她與姚佳雯、戚黛黛等出席亞視《財神到》宣傳活動，表現心不在焉，更一反常態拒絕受訪，她到場即向記者表示：「唔好意思，今日唔答嘢，只會影相。」

經理人擋駕

而問中巴知否Amigo前日到警署報到？她身旁經理人即擋駕表示不答任何問題。至活動完結時，記者追問中巴為何不做訪問？她表示有事做，而問她是否趕睇心理醫生？她亦充耳不聞。

此外，席上中巴與其他藝人玩遊戲，由於遊戲規則是輸家要被打手掌、屁股等，所以主持人鄭啟泰介紹她出場時笑言：「見到佢玩唔到，覺得自己好似Amigo係咁打佢。」而當中巴玩遊戲輸掉要受罰時，鄭啟泰又笑說：「你都經常畀人打啦！」似在揶揄崔建邦。

被寸博宣傳

另外，姚佳雯表示不認識中巴，對於Amigo涉打中巴一事亦不知情，她說「接受唔到男人打女人，不過崔建邦個樣唔似係咁。（若被打會否開記者會？）如果係我唔會開記者會，大家公眾人物，咁做損人不利己。（驚畀人話博宣傳？）我唔會咁做嚟博宣傳。」至於中巴現任緋聞男友Sam在blog指「患難見真情」及「有人地方就自然有是非」，似是為是非多多的中巴作鼓勵。

文：影視組