Jessica C.與Mr.前晚到澳門出席一活動，Jessica C.以低胸配短褲仔造型性感現身，更首次在活動中調酒，當中她要以Vodka加果汁做雞尾酒，上面還要點火，雖然有點「牙煙」，但當她成功後，即時表現得雀躍，情緒高漲。問Mr.五子有否趁機偷目及對方？成員Dash否認有偷看Jessica，更笑謂：「如果真係睇就大鑊啦，實唱唔到歌啦！而且之前都有合作過，佢係好典型外國妹妹仔，所以又唔係好留意佢。（邀請佢做MV女主角？）佢好貴喎，不過佢有同我哋講，話鍾意我哋啲歌o架，如果佢練廣東話，應該都可以加入樂壇喎。」

Dash（右）坦言不敢直視Jessica C.。

Jessica無懼火燄，表現淡定。

拎漏搵食結他

Dash自爆出發前驚險事：「因為其他成員幫我拎埋樂器，點知就拎漏咗我支低音結他，搞到我同個朋友即刻由上環趕返土瓜灣，差少少就要No Show啦，好彩最後都趕得切出席！」

眾人更獲大會貴賓式招待，以二十多呎的豪華轎車接他們到場，Dash說：「我哋五個都係第一次坐呢款豪華轎車，感覺好新鮮、好Hip Hop，入面有皮梳化同好靚嘅Hi-Fi，我哋仲喺車入面不停咁影相留念添！」

文：音樂組