陳偉霆（William）與楊穎（Angelababy）情變緋聞疑幻疑真，但仍處處維護對方，對於日前有涉嫌強姦案的供詞提及有人揚言曾與Baby上過床，William直斥對方乃性幻想高手，簡直亂噏。
William、容祖兒（Joey）及古巨基前晚出席《全城響應助更生》錄影。近期受緋聞纏身的William，一時被傳與Baby分手，一時又傳與師姐鍾欣桐（阿嬌）合作新片《前度》而撻着，令William大感無奈。對於與阿嬌傳緋聞，William斷然表示雙方認識很久，視對方為姐姐，故從來沒想過會與她談戀愛，問到是否心繫舊愛Baby？William卻迴避謂︰「我個心屬媽咪，對阿嬌亦都冇遐想。」
冇必要作回應
談到有人因涉嫌扮星探而強姦女生，並向受害人自稱曾與Baby、Joey等女星上床，對此William謂︰「簡直係亂講，回應都冇必要（佢咁講會唔會污辱咗Baby？）邊個信就傻，佢係性幻想高手。」
而Joey則奉勸年輕人即使求上位也不要胡亂與人發生關係，更謂︰「真係好荒謬，入娛樂圈好多途徑，唔需要傷害身體。（你都係佢上床名單之一？）估唔到我係佢嘅容祖兒公主。」
勿輕信陌生人
至於陳自瑤與葉翠翠出席另一活動時亦就事件作出回應，陳自瑤表示：「依家啲女仔對娛樂圈太趨之若鶩，好易畀人利用呢個心態！」而翠翠則表示：「我以前做模特兒時都有人同我講畀幾萬蚊就教我行catwalk，大家真係唔好咁易信陌生人。」
文︰影視組