擁有36D驕人身材的名模Rosemary，昨日受「峰吹乳打」，被同場的肉感o靚模34E的鍾蕙芝（Lavina）及33C「花旗妹」陳家穎（Wing），以比堅尼左右夾攻，Rosemary驚訝表示不知道和o靚模同場，更言不認識Lavina。Lavina卻辯稱因戴了假髮，所以對方才不認得自己！
昨日名模Rosemary率領o靚模Lavina及Wing，為西九龍中心舉行的《FASHION:MAKE IT HAPPEN》行騷。期間Lavina及Wing齊以Bikini Top大拋34E及33C的身材，尤其Lavina更刻意搔首弄姿，引得現場的觀眾及龍友看得目瞪口呆！不過身為模界師姐級的Rosemary，雖然只晒長腿纖腰「封胸」迎戰，但勝在淡定夠台型，盡展名模風範夠壓場，完全無懼被搶「峰頭」！
第一次碰頭
對於率領o靚模行騷，Rosemary聞得o靚模一詞即驚訝的說：「吓？佢哋係o靚模嚟咩？（佢哋表現點？）我又冇睇。（佢哋身高差一大截？）哈！唔係我話事，要睇讀者同大眾係咪鍾意。（你認為佢哋身材點？）Cute囉！」問到被o靚模搶鏡，Rosemary一副淡定表示唔介意。至於之前是否認識Lavina，Rosemary說這是首次見面，但卻認識Wing。她續說新年會到非洲爬山，會自備糧水，不怕有高山症。
戴假髮累事
對於Rosemary不認識自己，Lavina卻說：「因為我戴咗假髮嘛，認唔認得唔緊要，今日開始認得就得啦。我入行一年都未夠，Wing仲耐過我。」她更大擦Rosemary鞋，說會向對方偷師交流行騷心得外，對於身高不夠，她說：「比起Top Model係細粒啲，但市場接納唔同類型，我咩類型都想試，我仲生存緊即係仲有地位。」
文：名人組