Peter說：「泳兒的藍色雪紡衫，內裏着住藍色泳衣般嘅body，下身襯黑色透明短裙，着出嚟效果好突出，佢夠膽去試新嘢，勇氣可嘉。而且佢身材瘦，完全可以carry到。」而一向有衣着品味的祖兒，Peter大讚她是成晚最搶、最sharp的一位：「當十位歌手一齊出嚟時，容祖兒最為搶鏡，第一個就留意到佢件桃紅色衫，好簡單大方，凸顯佢形象，加上佢嘅配飾同埋髮型，完全恰到好處。」

至於男歌手方面，Eason就以鮮明又古怪的風格突圍而出。Peter表示：「今晚第一眼見到佢上身打扮，以為佢正常咗，上身孖襟外套好靚好有型，但望落下身着住及膝短褲，再加對好魚巿場look嘅長靴，好有玩味。」

一向被公認有品味的蔡卓妍（阿Sa），昨晚的打扮亦獲Peter讚型：「阿Sa件衫都好sharp，條裙款式亦好啱佢，入面加咗條黑色喱士短褲，亦無問題，恰到好處，但唯一美中不足係覺得佢個胸針太誇張，搶咗佢成個look。」

而王菀之在早前的頒獎禮被勁彈，今次打扮雖然改進了不少，服裝還可接受，惟頭上的藍色蝴蝶結令她增添不少娘味。

官恩娜 裙：Patrizia Pepe

徐子珊 裙：Ohne Title $25,000

Profile

本地著名時裝設計師Peter Lau（劉家強），九○年推出「XCVIII Ninety Eight」系列一鳴驚人，九五年更把中國風融入設計內，被國際傳媒稱為「東方現代主義」（Oriental Modernism）。日本權威時裝雜誌《流行通信》將他評為廿一世紀全球21位最具代表性時裝設計師之一。