本文重點
歌神張學友昨現身電台宣傳新專輯，被問到會否效法新一代舉行「抱抱會」宣傳新碟，他笑說：「後生先搞呢啲嘢，（爸爸級嘛？）有戀父情意結咩，其實平日都有同歌迷攬下，冇所謂啦，禮儀啫，心邪就難講喇！」對於頻有公眾人物出席活動被非禮，學友可會擔心？他說：「摸胸嗰啲係打招呼咋？下面就少啲咁打招呼，接受唔到，離譜咗啲，可能我守舊啦！」學友又透露會相贈價值萬五元的玻璃碟予陳奕迅及謝安琪，答謝兩人為他拍攝網上廣告。
至於早前ＴＶＢ播出《72家租客》宣傳片段，學友只能以「有樣無聲」形式出現，他就表示未能控制亦不感出奇，會否感到ＴＶＢ有欠大方？學友就笑言：「如果喺戲入面都cut咗我把聲就好嘢喇！」至於受訪片段出現在亞視新聞，學友表示事件變化迅速，相信亞視將製作音樂節目及部署，會否現身撐就等公司安排。
王菲未諗開港騷
此外，有傳王菲將在港舉行個唱，門票最貴定為千五元，學友就言：「幾錢睇有冇巿場，由巿場去解讀，阿菲復出係好事，冇人代替到佢，自己鍾意多啲人睇應該唔會賣咁貴，嚟緊都會開個唱，等埋隻國語碟先。」而王菲經理人陳家瑛就否認傳聞：「暫時未有打算喺香港開騷。（傳千五蚊張飛？）都未有咁嘅打算，點會有票價呢？」
採訪：音樂組