任達華出席朋友Spa開幕禮，他說：「我平時一得閒都好鍾意做Spa，（同老婆鴛鴦浴？）咁私隱嘅問題我唔答。農曆新年我會去柏林，逗留一日，所以情人節陪唔到大情人（老婆），又陪唔到小情人（女兒）。」
同場的陶喆緋聞女友岑潔儀（Zoey），問可有留意陶喆早前被指拖兩女？Zoey說：「佢不嬲都好gentleman，拖住都好正常，之前我同佢都係咁而傳緋聞，佢又係慈善家，估唔到台灣都興『博愛歡樂傳萬家』！（你寸佢？）我都係講笑咋！我戥佢開心，因為佢好想結婚，（佢博愛所以冇進一步發展？）每個女仔都驚男友花心，我唔怕畀人話呷醋，我都會去睇佢演唱會。」
