憑「警鐘胸」上位的索模Jessica C.與獲封「氣質咪神」的華姐苟芸慧昨午盛裝出席汽車品牌活動，兩位索女首次正面交「峰」，Jessica 雖只是少許低胸，但明顯比包到冚的苟芸慧搶鏡，工作浪接浪的Jessica直認賺唔少，更風騷表示買樓亦夠畀首期！
Jessica C.與華姐冠軍苟芸慧昨午齊齊出席「豐田Land Cruiser Prado新車發佈會」，兩女同是新上位的有料之人，首次見面可謂惺惺相惜！大賣口乖指新車是自己Dream Car的Jessica表示在港仍未有車：「暫時未有固定地方住，費事嘥停車場錢。」
咖啡機送男友
她透露男友亦有車牌，至於對方是否她的「柴可夫」，Jessica說：「喺美國會自己揸，唔鍾意人哋喺隔籬指點。」榮升模界「搶手貨」，問到是否賺好多時，Jessica笑道：「未Check Statement（銀行結算單），相信會有Surprise，（儲錢買樓？）應該夠畀首期！」她透露情人節打算送咖啡機給男友，因對方經常投訴咖啡唔好飲，而自己則希望收到朱古力。
遇車禍嚇到呆
以全黑打扮上陣的苟芸慧表示19歲已有車牌，不過來港八個月的她未有買車打算：「香港人揸車好勇，驚有意外。喺多倫多見過前面架車360度打轉，嚇到我呆咗，好彩最後冇事。」今年是苟芸慧首次在港過新年，雖然父母遠在加拿大，但她直言不愁寂寞：「新年應該有嘢做，或者會同班華姐聚下。」她又直言冇追求者，現階段只是跟公司拍拖。
文：專案組