祖兒前晚假半島酒店舉行「Joey Yung 10 Anniversary Celebration Dinner暨《JOEY TEN》EP + Box Set祝捷會」，廣邀好友黃偉文、蔡卓妍及各大傳媒高層陳志雲、樂易玲、甘菁菁、朱明銳等出席，老闆楊受成夫婦亦現身撐場，足見祖兒地位超然。

換上畢業袍的祖兒獲「校監」吳雨和「校長」霍汶希頒發成績表及畢業證書，吳雨更以一匹馬來形容祖兒，他說：「祖兒初出道時好似一匹馬咁好有暗火，慢慢轉入直路就逢馬過馬，依家仲做埋馬王，贏咗人哋十幾個馬位。」

問到何時展開其法國之旅？祖兒說：「希望今年內可以兌現到，我想放個幾月假，路係人行出嚟，假係自己問出嚟，我會努力爭取。」去法國結識異性？祖兒說：「好喎，法國人都幾浪漫，不過最希望到當地睇fashion show。」

祖兒透露農曆新年會有數天假期，問到會否到好友何韻詩家中拜年？她說：「睇吓佢喺唔喺香港囉！」

爭大獎踩扁陳奕迅

對於被陳奕迅寸沒人送情人節禮物，祖兒笑謂：「佢又知？我夠識call『老麥』咯，不過佢喺呢方面又唔應該有誠意嘅，總之我心裏面好充實啦！」另外，祖兒昨接受電台訪問，被主持問到是否想拿傳媒大獎？她不諱言：「想呀，幾年冇攞，之前都攞過兩次！」期間祖兒突然變聲開玩笑說：「陳奕迅，踩扁佢啦！」

採訪：音樂組