08年亞姐冠軍姚佳雯為亞視効力快將一年，相對無綫百花齊放的製作，在亞視的發揮機會實在不多，姚佳雯卻唱反調：「我又唔覺得機會少喎，上年都做咗三個節目嘅主持，覺得公司係畀緊機會嘅，最重要係自己要進步，依家努力改進緊廣東話。」

風水輪流轉

無綫獨大的局面最近起了變化，隨着「四大」與無綫鬧版稅風波，「四大」旗下的歌手將有機會亮相亞視，壟斷局面打破在即，姚佳雯說：「呢個係亞視翻身嘅好機會，風水輪流轉，ATV好有人情味，好心係有好報嘅。（開設音樂節目的話，會唔會自薦做主持？）自薦就唔會，我廣東話唔好，如果可以用英文或者普通話就唔同。」

好有人情味

在亞視近一年，姚佳雯最深刻是公司的人情味，工作環境令她感溫暖舒服：「公司上下、由監製到工作人員都好畀心機教我，令我學到好多嘢。」對於同屆亞姐袁小曼與年紀相差廿一載的「有米」地產界CEO廖偉強撻着，姚佳雯說：「我唔覺得好大件事，唔覺得佢係貪錢，佢喺澳洲讀書返嚟，屋企都有番咁上下啦。年紀差距更加唔係問題，大家溝通到，開心咪得囉。」

採訪：影視組

攝影：林楠

服裝：Miss Sixty

場地：馬哥孛羅香港酒店（Cucina）