無綫藝員胡定欣近年演出的角色備受注目，喜見事業更上一層樓的她，希望可再有進步，她說：「今年應該會有兩套劇播出，《刑警》同《巾幗梟雄2》角色都好有發揮，希望觀眾會鍾意。（希望得獎？）唔諗呢啲啦！我唔會focus喺獎項上面，最緊要係自己做得好唔好，同埋喺《巾幗梟雄2》裏面我做一個奸得好徹底嘅人，即係天生係衰人嗰隻，我覺得好有突破！」
問定欣在新一年會否考慮置業？她即笑說：「呢排我好搏命接event，都想搵多啲錢，因為身邊啲朋友已經個個講緊買樓，所以自己都好想快啲可以儲夠錢，買到個約莫300萬嘅單位自住，如果第時運氣到嘅話就再換個大啲嘅單位啦！」
