李蘊自幼已對駕駛着迷，立志滿18歲即要去考車牌，一嘗駕駛樂趣。為了盡快達成願望，李蘊放棄較為講究技術的棍波車，轉而報考自動波私家車，她說：「我諗住容易啲囉，想快啲考到可以揸車，點知考咗兩次都肥佬。」連考兩次都未能順利過關，李蘊坦言很氣餒，在第三次踏入試場前特別緊張，她說：「考兩次都未得，真係畀班朋友笑到面黃，不過都好嘅，當打穩啲基礎囉，將來出街都好啲。」
在屢敗屢戰下，李蘊第三次終於考獲車牌，她坦言下一個目標會向電單車進發，並說：「我覺得揸電單車好型，話唔定將來拍戲都有用嘅，不過我諗屋企人一定反對，到時要想辦法說服佢哋啦。」
