李詩韻與阮兆祥日前為無綫新劇《公主嫁到》拍攝外景，劇情講述二人原是一對有錢夫婦，後因家道中落急需用錢，只好將家中物件變賣，但為保面子，二人惟有易服反串到當舖。

李詩韻與阮兆祥反串阿公、阿婆，維肖維妙。	祥仔以阿婆造型上陣，笑爆全場。	詩韻十分滿意反串扮相，不過最怕黐頭套。

氹人有一手

拍攝期間，李詩韻與阮兆祥以反串阿公、阿婆造型上陣，笑爆全場，李詩韻面對「阿婆」阮兆祥，更忍唔住笑到肚痛，大讚維肖維妙。

首次與祥仔合作的詩韻，笑言祥仔風趣幽默，只要有對方在場，定必令拍攝現場充滿笑聲，她說：「只要有佢就唔會悶，佢成日都講爛gag，佢唔只識氹我，就連琴姐（李香琴）、菊姐（關菊英）佢都氹得好好。」

最怕黐頭套

詩韻續說：「同祥仔拍嘢真係要專心啲先得，如果唔係好易畀佢影響到，笑唔停。（鍾唔鍾意幽默男仔？）幽默當然好，不過我嘅擇偶條件唔係幽默，最緊要係講感覺。」

首次反串做鬍鬚阿伯的詩韻，表示十分好玩，而且很滿意自己的造型，她謂：「今次可以唔使顧儀態，對造型好滿意，不過我好怕黐頭套，因為好易敏感。」

文：影視組