有「翻版大S」之稱的o靚模李莉琳（Liz），踏入2010年即工作不斷，更可遠赴日本拍攝旅遊特輯，令她首嘗在東京除夕倒數，Liz坦言發夢都沒想過在日本過新年，雖然只是工作，但置身當地漂亮的布置下，已覺得非常浪漫，今次更有機會認識一班日本媽媽，向她們偷師學做日式料理。
Liz透露臨出發往日本時，公司為她帶來好消息，落實接下兩個平面廣告，同時更會為一部電影客串及擔任MV女主角，Liz開心表示：「聽到咁多好消息，令我今次去日本都特別用多咗錢，不過我唔係用晒嚟買嘢畀自己，相反大部分都係用嚟買手信畀家人同朋友，等佢哋可以分享我嘅開心。」
