小齊將於2月20日（人日）假澳門舉行「任賢齊星級晚宴演唱會」，請了農夫做嘉賓，問小齊點解搵農夫？他笑說：「我係被迫，上咗賊船，講笑啫，農夫嘅音樂唔同一般rap，佢哋好乾淨、幽默，新年期間需要正能量，所以請佢哋做嘉賓。」鬼馬的農夫亦幽回小齊一默：「我哋就真係被迫，小齊哥出到聲我哋可以唔做咩？」小齊聞言哈哈大笑。

抱仔逗利是

三人為了今次合作，特別合唱意頭歌《紅包拿來》，小齊說：「台灣拜年好興講『恭喜發財，紅包拿來』。」農夫搶說：「佢負責派利是畀我哋。」小齊騎騎笑謂：「利是裏面係簽名相。」演唱會當晚不但撞正人日，還是小齊囝囝兩歲生日，他笑說：「我會抱個仔出嚟𢭃利是。」

啱叔伯朋友

今次個唱形式很特別，門票包晚餐加演唱會，觀眾食飽飯才睇騷，小齊說：「台灣早前好興呢種方式，新年將歡樂帶給一家大小。」他直言會帶家人到澳門順道度假，問農夫會否叫親友捧場，他們望着小齊抵死說：「我會叫啲叔伯朋友去！」小齊扮發火指着十八樓的窗外駡：「你哋跳樓啦。」引得全場大笑。

採訪：音樂組

場地：LaVilla