o靚模曹卓榣（Cc）早前到新加坡登上郵輪拍攝旅遊特輯，表面看來寓工作於娛樂，但在五日行程裏幾乎由朝拍到晚，不過Cc反而大讚可以用最短時間吸收最多拍攝經驗。
提到密集式的拍攝行程，Cc頗回味地說：「今次幾乎由頭拍到落尾，06：30通告拍到23：00，好充實，頂多換衫期間休息抖抖氣，不過我反而開心，第一次拍旅遊特輯，就可以上郵輪大開眼界，感覺好新鮮，同行嘅禤國全先生可以話係旅遊專家，令我學到好多旅遊知識。」
有監護人才過關
因為Cc未夠21歲，船上有賭場又賣酒，本來她不可以入賭場，最後要由經理人充當監護人才可以過關。初入賭場的她可有斬獲？Cc說：「我哋有入賭場取景拍嘢，但有好多嘢要拍，根本冇時間玩，或者將來有機會再去見識吓。」
無邊大海好震撼
在郵輪上望着一望無際的大海令Cc感覺非常震撼，她與有份拍攝的o靚模何穎璇在船頭扮《鐵達尼號》經典一幕：「望住個海感覺好震撼，架郵輪有好多層，設施又多，連圖書館都有！最難忘有一晚全部乘客都盛裝打扮同船長食晚餐，感覺好grand。」Cc在新加坡去了好幾個景點，遇到一隻又叻、又醒目的馬騮，懂得拖着她的手影相，很有人性。
文：影視組