本文重點
楊愛瑾（Miki）將於今年處女下海推出愛情小書，初做「才女」的她坦言既緊張又興奮。Miki自誇愛情經驗豐富，會將過去的情史收錄書內，不過為免影響前男友的生活，決定不公開對方身份。
近年轉戰影壇的Miki透露今年首嘗做「才女」，問到會否向姊妹鄧麗欣及傅穎取經？Miki說：「唔會喇，今次係本愛情書，係自己過往嘅經歷。」曾與徐天佑傳緋聞的Miki，被問到會否提及當年的戀情？醒目的Miki說：「從來冇講過拍拖，不過本書係唔會開名。」Miki更自誇愛情經驗豐富，故書中「材料十足」。
冇男仔約
至於會否將被指介入永安太子爺郭永淳婚姻的事收錄書中？Miki說：「唔會，我同佢只係朋友關係。」Miki承認不實報道影響其形象，問到會否因此而破壞兩人友誼？她說：「我哋友誼永固。」
對於「包養」兩字，Miki坦言接受不到，她說：「唔得，對唔住自己，愛情係需要付出。（好多人想搵快錢？）從來冇諗過走呢條路，唔可以做啲對唔住屋企人嘅事。」
另外，曾當歌手的她被問到有否歌癮大作？Miki說：「都有㗎，諗緊喺屋企添置啲音響，其實依家都有學唱歌。（想做全能藝人？）冇乜好做，又冇男仔約。」
採訪：音樂組 攝：秦健輝
髮型：Vince Pang@IL Colpo
服裝：Ztampz