有線娛樂台主持李嘉馨（Ali）曾主持過不少節目，但最令她增廣見聞的可算是旅遊節目《十二夜》，Ali說：「我因為《十二夜》嘅關係，去過好多地方，好似西西里、法國薰衣草園同埋日本等地，而且每個地方又有獨特嘅文化，每去一個地方都可以吸收好多經驗！」
問到她常因工作而周遊列國是否很開心時，Ali表示其實自己也明白到外地也是以工作為主，所以不會「專心」遊覽，她又透露自己與旅遊非常有緣分：「我入行之前都係幫旅遊版做記者嘅，不過都係要專心採訪，成日去完啲地方都冇乜印象，不過我啲朋友就當正我係旅遊顧問咁，每次旅行之前都會問吓我嗰度有乜好玩。」
至於哪個地方對她來說最為深刻？Ali表示：「維也納同埋南極，前者好有文化氣息，啲建築好靚；而南極就好靜，可以同大自然拉得好近！」