郭富城緋聞女友熊黛林（Lynn），在賀歲電影《花田囍事2010》中，將「老本行」花生騷搬上舞台。戲中講述她為在皇宮舉行Fashion Show大晒靚衫，電影公司花上近百萬元搭建T字舞台，在台邊布滿鮮花點綴相當認真。而熊黛林則以多個不同新潮造型亮相。她施展渾身解數，在台上不斷谷胸、露膊、騷腿，相當誘人。熊黛林說：「見到啲衫都嚇咗一跳，因為造型好靚，一啲都唔古裝，服裝指導仲準備好多配飾又有爆炸頭，導演叫我誇張咁演，搞到我拍完覺得好High，係我最瘋狂一次嘅Fashion Show。」

騷長腿抗衡

而現年78歲的李香琴亦不甘示弱跟阿Lynn抗衡，她在台上風騷生鬼，表現得有板有眼，她更模仿熊黛林拉起裙腳騷長腿，琴姐說：「今次有機會行Catwalk都算係個新嘗試，現實中我未試過。阿Lynn專登教我點行，先會無咁容易跣腳又行得好睇，導演叫我風騷咁show腿，古仔（古天樂）仲一邊拍手幫我打氣，拍得好過癮。」

琴姐表現專業令古天樂大感驚喜。

放大圖片

文：影視組