關詠荷昨日聯同郭晉安及《五味人生》一班演員到奧海城宣傳劇集，身為早瞓一族的她對於《五》劇只有平均28點收視，笑言是因劇集播得太晚，問她如此早瞓，如何與張家輝合力造人？她說：「你少擔心，我哋識調節！人一向都有造，但冇就冇。（考慮人工受孕？）你畀啲資料我睇吓先，我唔想好似好大壓力咁，始終都有一個小朋友，多一個只係額外。（新年點過？）唔會出外，因為家輝行唔開。」
囡囡冇人打
關詠荷又指早前有指女兒返學期間被欺負，她說：「我要澄清佢冇畀人打，只係返學唔適應離開媽咪至喊，我驚佢影響埋其他小朋友喊埋一份，考慮過唔送佢返學，反而學校老師鼓勵我要珍惜送小朋友返學嘅日子，我好多謝班老師。」
安仔專注事業
至於同場的廿四孝爹哋郭晉安則說：「過去兩年我擺個仔做重心，依家會專注番事業，早前買咗架50萬兩門全新跑車獎勵自己，當係一個新開始。（獎乜畀太太？）佢話唔使，或者我將自己包起當情人節禮物送畀佢，新年我諗緊帶唔帶個仔返無綫𢭃利是。」
文：影視組