彭發執導演筒多年，與不少當紅影星合作過，當中對影后舒淇印象最深刻。彭發大讚舒淇演戲有層次，與她合作完全是種享受，而已三度合作的鄭伊健，彭發笑指他似要與角色「共存亡」，演技愈見成熟。
彭氏兄弟向來拿手拍鬼片，只要兄弟「合體」定必搞「鬼」，談到箇中原因，弟弟彭發坦言以「彭氏」招牌拍鬼片似有保證，從商業角度來看實無可厚非。對於鬼故事的靈感，彭發指泰國雖屢有靈異傳聞，但他從未遇過，所以故事靈感大多是天馬行空。
城城安守本分
彭發曾與不少紅星合作，他指舒淇是其心目中最厲害演員，他說：「喺《見鬼2》同《森冤》合作過，佢好有層次，每次拍都係一種享受，NG唔多，話佢知點做之後就得，好多時Take 1最好，再做落去只係做畀你睇。」而另一位影后級「大嫂」李心潔，彭發不諱言對方的成就等同傳奇，這位三料影后，起點如同別人的終點。
至於早前合作《風雲Ⅱ》的鄭伊健及郭富城，彭發笑指伊健似心中有團火，與所演的聶風混作一體，勢要與角色共存亡，工作態度比從前着緊，演技亦已昇華至另一階段。談到城城，彭發說：「佢每句對白都知自己點解要咁講，攞住劇本就識做戲。（會唔會指導新人？）又唔會，佢唔會超越自己嘅職責。」
本地片難生存
經常有說影壇青黃不接，後浪來來去去得幾人。問到他較看好誰？彭發直言有潛質演員的確存在，奈何沒有生存空間，市場上已再不是「有好戲就得」，往往只能拍攝觀眾想看的片種，他謂：「依家觀眾要睇大製作，就要搞合拍片，本地片出嚟就係一套套死，仲有個現象就係，嗰排興邊個就連續幾部都係佢，都一樣係死㗎咋！」
文：影視組