阿Sa早前第四度為adidas拍攝全新2010年春夏女裝運動服系列廣告，由於主題圍繞「Me， Myself」，阿Sa更以打女形象上陣，在專業舞蹈及拳擊教練指導下，阿Sa做出搏擊、舞蹈高難度動作，凸顯其最率性自然一面，實行以活力迎新裝，她說：「雖然要做好多健身、拳擊同舞蹈嘅動作，但在專業人士指導下，冇想像中咁辛苦同疲累。」

阿Sa踢沙包力度十足，毫不馬虎。	不用埋位時，阿Sa舒展筋骨，以應付連場高難度動作。	阿Sa在老師指導下，排練舞蹈。

倫敦攝影師操刀

廣告商更特別邀得倫敦著名時裝攝影師John-Paul Pietrus操刀，當中不乏阿Sa冷酷型格的一面，阿Sa說：「雖然係第一次合作，但唔知點解好有默契，佢喺鏡頭內外都氹得我好開心，希望呢個罕有嘅打女造型，畀大家睇到唔同嘅我！」

10度低溫跳跳紮

拍攝當日氣溫雖然只有10度左右，但阿Sa就要換上多個春夏新裝，包括單薄的運動裝、透心涼小背心，在差不多8個鐘的拍攝過程中，阿Sa全無怨言相當專業，她說：「做嘢唔緊要啦，咪喺場外做下熱身保持溫暖囉，仲可以keep住嗰個跳跳紮嘅心情，一舉多得呀！」

阿Sa又賣口乖大讚新裝時代感十足，望有機會能穿上品牌最新的服飾，拍攝即將推出的國語專輯封套。

文：音樂組