Joey的新EP《Joey Ten》雖於今日才正式推出，但定單反應已相當熱烈，更直逼白金，非常厲害。Joey在新碟中以9款潮爆造型亮相，繼之前的「皇后大頭」及「彩虹巨膊」造型，最後三款造型昨日終於曝光，包括赤色羽毛冶艷look、古典歌聲魅影look及旗袍龍女look，Joey還笑指因扮演龍女look而遭同事改了「龍姐」這個新綽號。

收錄成長相集

昨日Joey到電台宣傳新EP，透露專輯內收錄了她的成長相集：「有好多相都係未曝光嘅，好多好娘，其中仲有我幼稚園同小學三年班嘅成績表！」她又指專輯中的「彩虹巨膊裝」原本是為好友何韻詩而設：「本身件衫係想搵畀阿詩嘅，但係當時搵極都搵唔到。（咁益阿詩？）有好嘢梗係益朋友啦，我覺得件衫好搶眼，好襯佢個演唱會。」

Joey上《勁歌金曲》宣傳新碟，直言對無綫最有親切感。

容祖兒的旗袍龍女look甚有氣勢，連工作人員亦要叫她「龍姐」。

為無綫拍特輯

至於Joey前晚出席《勁歌金曲》錄影時，表示稍後會為無綫拍攝音樂特輯，不怕被指為拿獎鋪路：「係咪都會有人講，咁唔通因為怕而咩都唔做咩！」談到《勁歌》好像只得英皇等歌手撐場，Joey則力撐無綫謂：「我唔覺，無綫有親切感啲，其他地方人生路不熟。」

文：影視組