o靚模始祖Angelababy和陳偉霆（William）被指戀情玩完，日前William在節目上大談性經，為免對號入座，Baby即時澄清自己非「經手人」，但就透露對方曾與她談「性」經，不經意踢爆二人非比尋常的關係！
前晚Angelababy出席ZUCCa2010春夏時裝展，她表示近日忙於電影宣傳，問到會否贈戲票給「朋友」？她即說：「會留飛畀屋企人，朋友就自動自覺買飛。」
拒爆失身年齡
對於William日前在節目上大爆性事，記者即時追問Baby何時失身？她拒絕回答：「呢個問題好尷尬同私人，我想留畀自己一個秘密，同埋想留畀觀眾神秘感同美好回憶！」Baby又力指William向來言行大膽，但就強調自己非「經手人」。記者笑問William可有向她透露性經驗？她尷尬地說：「之前一齊同好多朋友傾偈時，佢有提過，但我唔記得喇，而且呢度咁多人唔方便講，加上呢啲係佢嘅私隱！」
此外，Baby表示過年會回老家上海探親，大年初一兼情人節將會與家人度過。那William呢？她扮傻說：「唔知佢陪邊個喎！（佢有新戀情？）我唔知呀，（情人節會唔會收到好多花或sms？）希望啦。（要送去上海？）睇吓有冇心啦！」
大讚「警鐘胸」
Baby笑謂自己身在上海，故不會送禮物給任何人，過年後她又要去日本工作，自嘲忙得死去活來。
對於人氣「警鐘胸」Jessica C.將會赴日發展，Baby坦言不怕競爭：「嗰邊市場好大，所以唔會怕，佢個樣幾sweet呀，好適合日本市場。」大忙人Baby昨日行程認真排得密麻麻，騷後即相約友人到貝沙灣敍舊，及後又要趕到香港仔工作至深夜才能回家。
採訪：名人組