對於學友昨日首次以廣東話接受亞視專訪，同屬環球系的李克勤謂：「Case唔一樣，我同無綫有約，要尊重合約精神。」並澄清未獲無綫邀請他擔任世界盃主持：「十畫都未有一撇，唔好胡亂猜測。（做有線或亞視訪問？）總之同無綫合約完之前都唔會接受其他電視台訪問，份約仲有幾個月。」對於四大唱片公司與無綫的版稅糾紛愈鬧愈大，克勤樂觀地視為考驗，但直言若與環球繼續合作，亦不便續簽無綫，不過記者提議他「轉會」時，他笑言：「屋企電視㩒遙控咁易咩？我就一百個唔願意離開環球，喺度已經第二個十年，依家同環球傾緊（續約），都有其他公司打過嚟。（但你係無綫契仔？）冇話契唔契仔，我同其他環球歌手一樣，冇任何着數。」