有傳黎明曾下令禁止Amusic旗下歌手接受無綫及有線訪問，前晚衞蘭（Janice）到無綫為節目《勁歌金曲》錄影時，即由兩名唱片公司高層陪同下接受報章訪問。Janice被追問傳被下令禁接受無綫訪問一事時，她謂：「今次上嚟係唱冠軍歌。（會做無綫嘅訪問？）照平時咁照做訪問，唔會刻意加多或減少，照做番自己嘅工作，其餘嘅留番畀公司處理。」但當Janice離開無綫前，無綫亦未有派員採訪Janice。
另外，Janice透露將會跟父親及妹妹同住：「依家搵緊新屋，我同妹妹會同番Daddy一齊住。（揀啲私隱度高啲嘅？）都唔係嘅，只要我哋三個覺得舒服就得。」她又指農曆新年期間將有八日假期，她指屆時將跟父親及妹妹度歲。