曾志偉前晚率王祖藍及呂慧儀等一眾《72家租客》演員出席《勁歌金曲》錄影，志偉笑言是次是以歌手身份亮相：「我哋戲入面有三首歌，好似係挑戰歌咁囉。（學友冇到覺得可惜？）唔會，我哋分道揚鑣咁宣傳，佢負責內地，我就負責香港。（佢負責亞視同有線？）你都可以咁講，我哋嘅宣傳係無孔不入，我負責細台，佢負責大台囉！」他又稱學友稍後將出席該片首映及內地的宣傳：「香港宣傳要錄嘅（片段），拍戲時都錄咗。學友好分得開演員同歌手嘅身份，佢唔介意做電影宣傳。（做和事老？）公司之間嘅事，唔講得咁多。」此外，志偉否認無綫為谷《72》片而打壓其他賀歲片：「吳君如先啱啱做完宣傳，所以唔會啦！」
