本文重點
佘詩曼、陳豪、邵美琪前晚為無綫新劇《天與地》開工，劇情講述陳豪與邵美琪在酒店舉行婚禮，一眾賓客到場祝賀。當中阿佘以低胸裝束上陣，期間她自言瞓歪頸，所以全程頸梗擰唔到頭，她說：「呢排開緊兩套劇，可能一有覺瞓就瞓得好冧，三、四個鐘頭冇郁過，所以瞓醒條頸好硬。（有冇睇跌打？）冇，我連支唇膏用晒都未有時間買，所以攞時間去睇跌打實在太奢侈。」
陳豪望生兒育女
此外，對近日亞視投訴無綫壟斷藝人一事，阿佘透露與無綫合約還有一段時間，她謂：「我係經理人約規條會多啲，我都係自願簽約，不過我份約嘅規條好合理。（覺唔覺無綫四面受敵？）係樹大招風，雖然我唔知風吹幾耐，不過希望棵樹愈嚟愈大。」實行力撐公司。
至於問到演「新郎哥」的陳豪，現實中會幾時結婚？他謂：「真係諗都諗咗好耐，不過事與願違，入行後要睇命運安排、隨遇而安，可能一下唔覺意聽日結婚呢，希望可以盡快生兒育女。」
文：影視組