Leon昨日出席聯合國兒童基金會在維園舉行的「小畫家大夢想繪畫比賽」，吸引逾三千名小童在場一齊畫畫，而Leon明天出發到雲南探訪，巡視災後重建情況。至於有傳楊千嬅與Amusic合約已滿？Leon坦言：「唱片公司只係做音樂，啲報道點寫唔介意亦唔會討論，唔想配合啲報道宣傳，而且完唔完係商業秘密，呢啲只係平凡八卦新聞一單。」

造人計劃唔同你講

講到另一八卦新聞，有傳Leon快將做老竇？他即以八字金句回應：「耳聽為虛，眼見為實呀！（即係實Gaile身體有冇變化？）我同你講，人去到一個階段就會傳一啲嘢，就算你冇事出去行街，都可以話你有腫瘤，你有你傳，你哋問，我有我答，總之冇呢件事。」有計劃造人？Leon即抵死向着女記者說：「有計劃都唔同你講，你又唔係我老婆。」

黎明細心聽小朋友說話。

聯合國兒童基金會在維園舉行「小畫家大夢想繪畫比賽」，獲周大福贊助。

傳媒大獎冇意見

黎明早年已宣布不參與香港樂壇頒獎禮，對於「傳媒大獎」惹起的是非，Leon則言：「時代唔同，就算Unicef做慈善嘅方法，都要隨年代去改變，其實ＴＶＢ啲幕後高層都度得好辛苦先完成個騷，依家一個騷到另一個騷，你哋覺得好多人關注呢件事，但亦有好多人唔關注。（呢個獎已經落伍？）唔係，我只係冇意見畀，我已經唔係局中人，唔係支唔支持，而係應唔應該表態，而表態支持又點解，唔支持又為何呢！」

講到破無綫壟斷局面？Leon說：「唔好話好唔好，時代變緊，依家要時間適應同觀察，做好自己嘢先，未來點變去到時先知。」

文：音樂組