曹格昨晚上無綫節目《超級巨聲》，見他精神了不少，在兩名助手陪同下接受訪問，他表示：「心情好緊張，我同咗屋企人聯絡，太太冇講乜，OK啦！（冇搵側田？）冇，SMS都冇，我換咗手機，冇佢電話。（換手機遠離唔想見嘅朋友？）冇，其實我先係人哋嘅豬朋狗友，同家人換埋同一款手機，依家連同事電話都要重新入，好煩！」
曾承諾會守行為一世的他，竟直言不會戒酒：「好多朋友鼓勵我，仲叫我戒酒，但佢哋唔明我，唔可以話件事係酒嘅問題，問題係我，要戒就戒醉，戒酒即係話酒係毒品。未來我要學嘅係適可而止，無論飲定玩，今個月一滴酒都冇掂。」
