阿Sa、楊千嬅、鍾舒漫、G.E.M.等昨日到奧海城出席基本法活動，因感冒失聲的阿Sa說：「之前放假同關智斌去日本玩，病足一個禮拜。（兩個人去？）仲有其他朋友。（有冇鄭中基？）唔包括。」記者即追問近日有報道指阿Sa飛起鄭中基求轉運一事，她聞言後「費事嘥口水」，反而主動澄清另一宗指她是茅山師傅歐陽國富契女的傳聞，阿Sa激動地說：「首先呢個禮拜好唔想放假，忍咗好耐，我想澄清從來冇契爺，只有兩個契仔，咁樣係好侮辱我智慧！算啦，佢已經得到應有懲罰，佢屋企人好唔開心，唔好喺人哋傷口上灑鹽。」記者指鄭中基力撐她，曾表示相信她的為人不用追問，阿Sa即變臉冧爆甜笑，並說：「根本唔會有人質疑我咁多年工作上努力，成功唔係靠偶然。」

阿Sa咬牙切齒地澄清與阿嬌跟茅山師傅毫不相識。

鄭中基

避談小方

歐陽國富因藉詞以「性交轉運」騙G模與他發生肉體關係，被重囚81個月，但法庭透露有演藝界人士幫他寫求情信，由於之前有傳阿Sa與鍾欣桐（阿嬌）都認識他，可能惹人誤會？阿Sa咬牙切齒說：「一定、絕對、肯定唔包括我同阿嬌，根本唔識佢，大家可唔可以聽正常人講嘢？」對於方力申坦承認識歐陽國富，阿Sa避答說：「件事對社會、年輕人係一個警惕。」

阿Sa與鍾舒漫齊以型格打扮示人。	鄧麗欣的一襲珠片短裙令人眼前一「亮」。	鍾舒漫在活動上獻唱。

千嬅訝異

同場的楊千嬅亦不齒歐陽國富的行為，力斥：「離晒譜！嗰個人好離譜！希望佢入去幾年反省吓。」對於有演藝界人士寫求情信，千嬅訝異地說：「唔係啩？真定假？呢個真係唔係太好，呢個人行為唔得，唔係咁幫人擇善。」

有此一著

千嬅昨日以一襲簡約的Max Mara灰色裙子登場，腳踏YSL高跟鞋襯踩踭leggings，一身灰色tone明顯行低調路線，不但比色彩繽紛的浮誇順眼，胸前一個大蝴蝶結更不經意吸引全場目光。

文：音樂組