23/01/2010

播放本新聞相關短片

江若琳升兩磅煞掣狂操

本文重點
江若琳(Elanne)早前在「升呢作」個唱上舞動22吋蠻腰,大晒特訓成果,Elanne似乎「煉鋼」煉上癮,瘋狂解禁豪擦三日後,即再戰gym房變身「大隻妹」!

為首個個唱地獄式特訓的Elanne,早前以蛋白餐單節食谷肌,練得完美22吋蠻腰曱甴肚,個唱結束後,公司特意安排十多日假期給她好好休息,以獎勵她作艱辛的排練。

食極唔厭

曾揚言要豪擦漢堡包以慰「五臟廟」的Elanne,即鯨吞快餐高脂美食:「連續食咗三日呀!仲加碼叫咗炸雞翼同雞塊,唔知係咪太耐冇食,要一次食番夠本,食極都唔厭。(自己食晒?)係呀,仲畀同事笑我係咪變咗隻牛,有四個胃。」但Elanne亦相當節制,為保一致好評的曱甴肚,即使放假亦相約健身教練繼續「煉鋼」,她說:「一見體重回升兩磅,即刻唔再食,驟眼睇唔覺,但一上磅就知囉,同埋好似做gym做到上咗癮,仲約埋教練keep住操。」

好難騙色

此外,由林保怡主持的歷史節目《敦煌》,前晚邀請Elanne擔任嘉賓主持,自嘲理科白癡的Elanne說歷史科成績都高分,理科就唔掂,數學更由小一開始未曾合格過,她笑言若遇上祈福黨一定中招:「不過,雖然容易畀人騙財,騙色就唔會啦,我喺呢方面好有底線!」她又說未來老公最好擅於理財,有助她解決數字問題。

文:音樂組