英皇一哥古巨基與鍾舒漫昨日出席百老滙新店開幕活動，更升上十呎高親自為新店招牌揭幕。對於近日傳媒大獎頒發與否各有說法，兩人認為無論陳奕迅與容祖兒是否得獎，亦無損他們在港人心中地位！
古巨基與鍾舒漫昨日為大型連鎖電器店百老滙的新店擔任開幕嘉賓，為隆重其事，更安排兩人升至十呎高為招牌揭幕，吸引大批途人圍觀，大會向兩人送上新款手機及空氣清新機。同場嘉賓還有蔡志明及女兒蔡加怡。
開心價剪綵
向來畏高的鍾舒漫說：「好彩都唔係太高，如果係喺商場入面嘅電梯就唔敢企埋去望。」不過搵錢至上的她，坦言假如有酬勞高的「高空」工作亦會接，她說：「我會企喺度扮無嘢㗎！」問兩人今次的酬勞如何？基仔說：「都係開心價，因為英皇同百老滙合作咗好多年，關係好好！」
對於近日因HKRIA與無綫的版稅風波，觸發是否頒傳媒大獎的爭議，基仔力撐要保留獎項：「無論結果係點，歌手都係參與同配合，不過我都係覺得要保留，始終係對歌手嘅鼓勵。」
機制難控制
鍾舒漫坦言歌手很難控制整個機制，但希望雙方能盡快和好。至於有傳港台為免得失陳奕迅及祖兒，有意頒發雙傳媒大獎？鍾舒漫說：「佢哋喺樂壇咁多年、拎過咁多獎，我相信佢哋就算冇呢個獎亦唔會好介意，因為佢哋嘅成績一早已經被肯定，就算冇都唔影響佢哋喺香港人心目中嘅地位。」基仔認為兩人都是公認有分量的歌手，無論如何仍會獲樂迷支持。
文：音樂組