警方日前在港進行的一項跨境聯合行動，拘捕了大批涉嫌賣淫及多名涉嫌經營賣淫男女，消息指由於有涉案者向警方填報了惠英紅的住址，警方曾按址上門搜查，並檢走了一部電腦和一些文件，據知惠英紅的弟婦亦在協助調查之列。記者昨致電惠英紅求證，她一聽聞有關事件即直指是笑話一則：「成件事係誤會，之前我有四十五日唔喺香港，因為要上內地拍嘢，前幾日先返嚟。」

感到啼笑皆非

惠英紅續說：「我一返到香港，我細佬就同我提呢件事，我弟婦喺一間化妝品公司度幫人化妝，可能係入嚟化妝嘅客人問題，佢只係協助調查啫！」

至於有否遭警方入屋搜查兼帶走電腦？惠英紅更感啼笑皆非，直指不可信：「我細佬係有報我住址，但一來我屋企冇電腦，因為我唔識用；二來無理由嚟我屋企啫，關我鬼事！」

對於其弟婦被指仍在協助調查中，惠英紅表示弟婦現時已如常上班：「佢哋（弟弟及弟婦）同我講嘅時候態度好輕鬆，一啲都唔嚴重，仲話『佢哋要我協助調查咪協助調查咯。』問到弟婦捲入賣淫風波中會否替其感到不值時，惠英紅則謂：「佢一定唔會做呢啲，佢份人好純品㗎，最多係蠢嘅啫！」

體重減至98磅

雖然捲入「黃色風波」，但惠英紅依然心情大靚，更與記者詳談近況，她透露由於內地天氣寒冷，所以患了感冒、支氣管炎及鼻竇炎，但為了趕拍無綫劇集《公主嫁到》，為免吃藥影響精神，她被迫叫家庭醫生替其打針治病，惠英紅表示現時體重驟減至98磅，是廿多年來最輕的一次。

文：影視組